Nossas sportas

Cults divins

Festagiar mumaints i'l cult divin d'indumengia, in üna da nossas tschinch bellas baselgias.

Festagiar insembel il cult divin e rinforzar vicendaivelmaing illa cretta, üna jada al mais in minchüna da nossas tschinch baselgias. Nus cumanzain cun purtrets da la baselgia a Sta. Maria e proseguin lura da Val inaint.   

Nossa baselgia a Sta. Maria

Sta. Maria: l'orgel resuna

Johann Martin Spiess (1696-1772): Präludium in B-Dur
Realisaziun: Hansjörg Stalder, Orgel

Copyright: 1999, Pravenda evangelica, CH-7536 Sta. Maria

Nossa baselgia a Valchava

Valchava: l'orgel resuna

Fridolin Sicher (1490-1546): In dulci jubilo
Realisaziun: Hansjörg Stalder, l'orgel

Copyright: 1999, Pravenda evangelica, CH-7536 Sta. Maria



Nossa baselgia a Fuldera

Nossa baselgia a Lü

Nossa baselgia a Tschierv

Tschierv: l'orgel resuna

Lilli Wieruszowski (1899-1971): Choral und Vers über Psalm 8
Realisaziun: Hansjörg Stalder, l'orgel

Copyright: 1999, Pravenda evangelica, CH-7536 Sta. Maria


Kino

Duos jadas al mais (1 jada repetiziun) davomezdi o saira vain sport ün film cha la ravarenda ha clet oura e quai illa sala renouvada illa anteriura chasa da pravenda a Fuldera. (- cun tendas nouvas da la Tessanda!)

Giantar cumünaivel: "55plus", ün evenimaint ecumenic: giantar cumünaivel

Il prossem giantar da cumpagnia varà lö a l'hotel-restaurant Chavalatsch a Müstair, gövgia, ils 15 da lügl, a las 12.00; predsch: 20.- CHF. Per pl. s'annunzchar fin mardi avantmezdi pro la ravarenda.


Instrucziuns: l'instrucziun ecumenica da religiun; l'instrucziun da confirmands

La premissa per gnir confirmà o craismà es da tour part a l'instrucziun ecumenica da religiun dürant tuot ils nouv ons da scoula.

L'instrucziun da confirmands cumpiglia 74 lecziuns, tenor la constituziun da la baselgia, e chatta lö i'l temp liber. Ella cumainza ill'ottavla classa, davo las vacanzas da mai. La participaziun al viadi da confirmands da 5 dis es voluntari.  

Predgina

A predgina sun invidats ils uffants da scoulina fin quarta classa. Da settember fin mai ans inscuntrain nus pel solit üna jada al mais, obain la dumengia vers saira o il marcurdi davomezdi.

Nus chantain, tadlain istorgias biblicas ma eir da quellas our dal muond dals uffants, discurrin sur da Dieu e'l muond e zambriain.

Nus fain eir occurrenzas specialas sco ün davomezdi da gös cun seniors o üna spassegiada da prümavaira.

Chi chi vess plaschair da`s partecipar a las predginas po s'annunzchar pro Diana Vital (081 858 61 15).

Chüra d'orma

Sco Lur ravarenda vegna jent a far üna visita pro Els a chasa; in Lur ambiaint cun fotografias vi da la paraid, e forsa alch robas fattas a man esa plü facil da discuorrer ün cun tschel. 

Sch'Els han 70 ons o daplü, vegna scha mâ pussibel, a gratular persunalmaing al di da Lur anniversari. Pel 80avel, 90avel e 100avel di da festa regala nossa pravenda ün grond püschel fluors, chi vain da cour.  

Il viadi da la raspada 2020

Als 24 da settember eschna viagiats  in quatter in Engiadina Bassa, a Strada illa stamparia. Georg Häfner ans ha guidà competentamaing tras l'exposiziun. Il giantar vaina mangià pro Cilgia Etter a San Niclà. Davo üna cuorta spassagiada lung a  l'En ans ha retschevüda Belinda Conradin illa baselgia da pelegrinadi d'üna jada a Ramosch ed ans ha sunà  sün "seis" orgel istoric. Üna visita spontana a Tschlin ans ha manà tras cumün pro'l bügl da Duonna Lupa e lura illa baselgia. Quai es stat üna bella conclusiun da nos viadi chi'd es i afin cun tuornar sur il pass dal Reschen darcheu in Val Müstair.